Verslun okkar á Akranesi stendur í verslunarkjarna við Dalbraut 1.  Þetta er rúmgóð og björt verslun þar sem nálgast má gott úrval af nýjum bókum, barnabókum og tímaritum ásamt úrvali leikfanga auk gjafa- og rekstrarvöru.

Óhætt er að segja að verslun okkar á Akureyri sé ein allra glæsilegasta bóka- og ritfangaverslun landsins. Búðin stendur í hjarta bæjarins í húsi frá árinu 1930 sem upphaflega hýsti m.a. stórverslun KEA. Í versluninni er öll vöruflóra Pennans Eymundsson: Íslenskar og erlendar bækur, ritföng, rekstrarvara, gjafavara, húsgögn, tímarit og töskur auk stærstu tónlistardeildar sem Penninn Eymundsson hefur upp á að bjóða. Hér má líka finna kaffihúsið margrómaða en þar er boðið upp á fyrsta flokks veitingar.

Verslunin í Austurstræti er flaggskipið okkar. Þetta er elsta starfandi bókaverslun Reykjavíkur en hún hefur verið á sínum stað frá því að húsið var byggt árið 1960. Þar er að finna okkar stærstu deildir með íslenskum og erlendum bókum. Á tveimur hæðum í kjallara er barnadeildin okkar sívinsæla og ritfangadeildin. Hér má einnig finna gott úrval af gjafavöru, töskum, minjagripum, tónlist og leikföngum. Á efri hæðum búðarinnar rekur Penninn Eymundsson kaffihús en stór og skjólgóð veröndin er yfirleitt þéttsetin fólki á sumrin.

Verslun okkar í Hafnarfirði stendur við Strandgötu 31, fyrir aftan verslunarmiðstöðina Fjörð. Við bjóðum ykkur velkomin í þessa þægilegu verslun þar sem nálgast má gott úrval bóka, tímarita, ritfanga og rekstrarvara. Í búðinni má einnig finna góða barnadeild, töskur, myndlistarvöru og gjafavöru.

Verslunin við Hallarmúla 4 hefur í gegnum árin fest sig í sessi sem ein besta og stærsta ritfangaverslun landsins. Hér má finna stórt úrval af hvers kyns ritföngum og rekstrarvöru auk okkar stærstu myndlistardeildar. Einnig má þar finna gott úrval af bókum, tímaritum, leikföngum og töskum.

Sumarið 2016 keypti Penninn Bókaverslun Þórarins Stefánssonar og opnaði þar endurbætta búð undir merkjum Pennans Eymundsson. Þar bjóðum við gott úrval af bókum, tímaritum, gjafavöru, ritföngum, ferðatöskum og ferðamannavöru. Þannig munum við þjóna Þingeyingum um bækur og menningu áfram líkt og gert hefur verið í bókaversluninni á Húsavík síðan 1909.

Verslun okkar á Ísafirði stendur við Hafnarstræti 2. Þetta er einstaklega skemmtileg verslun í gamalgrónu verslunarhúsnæði frá árinu 1927 í miðbæ Ísafjarðar. Í versluninni er ágætt úrval nýrra íslenskra bóka, tónlistar og tímarita. Þar má einnig finna gott úrval af ritföngum, rekstrarvöru, gjafavöru, töskum og ferðamannavörum.

Penninn Eymundsson rekur núna eina verslun í Kringlunni. Á 2. hæð í Suðurhluta, við hliðina á Bónus, Í verslunni er eitt besta úrval bóka á landinu bæði íslenskar og erlendar. Þar er líka að finna stærstu barnabókadeild landsins. Einnig er frábært úrval af tímaritum, ferðatöskum og gjafavöru. Eins má þar finna gott úrval af ritföngum og rekstrarvöru.

Penninn Eymundsson í Flugstöð Leifs Eiríkssonar býður upp á ágætt úrval af tímaritum, íslenskum og erlendum bókum, ferðahandbókum, landakortum og ýmissi gjafavöru . Í versluninni er einnig afþreying fyrir börnin: Þrautir, bækur, leikföng og fleira. Litlar ferðatöskur og ferðafylgihlutir gera þér ferðalagið þægilegra. Það ætti engum að leiðast langt flug ef ferðin byrjar í Pennanum Eymundsson.

Verslun okkar í Mjódd er staðsett að Álfabakka 16 en þar opnuðum við endurbætta verslun haustið 2015. Í Mjóddinni er gott úrval af nýjum bókum og tímaritum, ritföngum, gjafavöru, leikföngum og spilum ásamt breiðu úrvali af ferðatöskum. Síðla sumars 2018 var verslunin stækkuð til muna og innan veggja hennar opnaði notalegt kaffihús þar sem hægt er að njóta veitinga í afslöppuðu umhverfi.